වතිකාන සුළඟ

(2025 අප්‍රේල් 30)  "පාප් වහන්සේ ළඟ අභිරහස් කන්‍යා සොහොයුරියක්. ලෝකයම කැළඹෙයි. මං ඔහුට කැමැත්තෙන් හිටියා" යන සිරසින් යුත් වීඩියෝවක් එක්තරා එෆ් එම් නාලිකාවක් විසින් යුටියුබ් අවකාශයට මුදා හැර තිබේ. ඇය 'අබිරහස්' කන්‍යා සොහොයුරියක් ද? ඇත්ත වශයෙන් ම ඇය ස්වර්ගස්ථ වූ පාප්  වහන්සේ ගේ දේහය අසල සිට  කඳුළු සැලුවේ ඇයි? ඇත්තටම මේ අවස්ථාව දැක "ලෝකයම කැළඹුනා" ද? එම කන්‍යා සොයුරිය සහ ප්‍රැන්සිස් පාප් වහන්සේ අතර තිබුණේ කවරාකාර සම්බන්ධයක් ද?  මේ එකකටවත් එම නාලිකාව පිළිතුරු සපයා නැත. එහි අරමුණ වී තිබුණේ  හුදෙක් උද්වේගකර, 'සිත් කලඹන', 'කුණු රසය' පිරි සිරස්තලයක් මගින් තම වීඩියෝ නරඹන්නන් වැඩි කර ගැනීම පමණි.  මේ කන්‍යා සොයුරිය කවුද? ඇයගේ නම ජෙනවීව් ජෙනින්ග්රෝස් ය. ඇය 82 හැවිරිදි වියේ පසුවෙයි. ඇය ප්‍රංශ-ආජන්ටීනියාන කාන්තාවකි. එනම් ප්‍රංශයේ ඉපිද, ප්‍රංශ බස කතා කරන පසුව ආජන්ටිනවට්ර සංක්‍රමණය වූ අයෙකි. ඇය ජේසු ගේ කුඩා කන්‍යා සොයුරියෝ (Little Sisters of Jesus)  නිකායේ පැවිදි වී  සිටින කන්‍යා සොයුරියකි. මේ අනුව ඕ 'අබිරහස් ' කන්‍යා සොයුරියක්  නොවේ.   සිස්ටර් ජෙන...

තායිලන්තයේ බැංකොක් නුවර දකින්නට ලැබුණු ව්‍යාජ ප්‍රවෘත්ති විරෝධී දැන්වීම් පුවරුවක්  (2025 මැයි 27) ප්‍රැන්සිස් ශුද්ධෝත්තම පියතුමන් සම්බන්ධයෙන්  සහ නව පාප්  වහන්සේ තෝරාගැනීමේ කාර්යාවලිය සම්බන්ධයෙන් සමාජ මාධ්‍ය ඔස්සේ සංසරණය  වන තොරතුරු පිළිගන්නට හෝ බෙදාහරින්නට පෙර විචක්ෂනශීලි වන ලෙස  ඉතා වගකීමෙන් ක්‍රියා කරන බ්ලොග් පිටුවක් ලෙස  "වතිකාන සුළඟ" බ්ලොග් පිටුව  මාධ්‍ය පාරිභෝගිකයන්ට අවවාද කරයි.   මෙසේ අනතුරු අඟවන්නේ පසුගිය වසරේ අවසාන භාගයේ සිටම ප්‍රැන්සිස් පාප්වහන්සේ පිළිබඳවත් කතෝලික සභාව සහ "මීළඟ පාප්වහන්සේ පිළිබඳවත් මුළුමනින්ම අසත්‍ය, ව්‍යාජ  තොරතුරු  හෝ විකෘති කරන ලද තොරතුරු රාශියක් සමාජ මාධ්‍ය ඔස්සේ සංසරණය වූ නිසාය.  'පාප්ධුර අපේක්ෂකයෝ ?' 'ප්‍රැන්සිස් පාප් වහන්සේ ගේ අනුප්‍රාප්තිකයා'  වීම  සඳහා 'අපේක්ෂයන්'  X  සංඛ්‍යාවක් නම් කර ඇති බව ද (X යයි කීවේ එක එක වාර්තා අනුව එම සංඛ්‍යාව වෙනස් වූ නිසාය) ඒ අතර කොළඹ අගරදගුරු මැල්කම් රන්ජිත් කාදිනල් හිමියන් ගේ නම 3 වැනි ස්ථානයේ පවතින බවට ද වූ 'පුවතක්' (ඇතැම්  කතන්දර වල සඳහ...

(2025 අප්‍රේල් 26) "මානව හදවත්වල"  පාප්  වහන්සේ සඳහා රෝමය සෙනසුරාදා අතිශය  හැඟුම්බර සහ  ප්‍රේමනීය  අවමංගල්‍ය පිළිවෙතක් සූදානම් කර තිබිණි. එය අවසන් වූයේ කඳුල මුසු සතුටක් ජනිත කරන ප්‍රේමවන්ත සමුදීමකිනි.  සගසැපත් සුදොතුම් පියතුමන් ගේ ආත්මය වෙනුවෙන් දිව්‍ය පූජාව පවත්වන ලද්දේ සාන්ත පීතර චතුරශ්‍රයේ දිය. එය  ගාම්භීර සහ සෞන්දර්යයෙන් යුත් ජනවන්දනා පිළිවෙතක් විය.  ජනවන්දනා පිළිවෙතින් පසුව එළඹුණේ එතුමන් ගේ දේහය  මිහිදන් කිරීමේ අවස්ථාවයි. ඉකුත් සියවසකට වැඩි කාලයක් පුරා සභා නායකත්වයේ සිටි පාප් වහන්සේලා මිහිදන් කරන ලද්දේ සාන්ත පීතර බැසිලිකාවේ පොළොව යට පිහිටි පාප් වහන්සේලා මිහිදන් කරන බිමේ ය. එහෙත් ප්‍රැන්සිස් පාප්වහන්සේ ගේ ඉල්ලීම අනුව එතුමන්ගේ දේහය ඊට සැතපුම් තුනක් පමණ දුරුන් පිහිටි සාන්ත මරිය මැජෝරේ බැසිලිකාව තුළ  මිහිදන් කිරීමට සූදානම් කර තිබිණි. නෙතට කඳුලත් සතුටත් ඇතිකරන හැඟුම්බර  සුන්දර  අවස්ථාව වූයේ සාන්ත පීතර බැසිලිකාවේ සිට මරිය මැජෝරේ බැසිලිකාව දක්වා එතුමන් ගේ  ගේ දේහය  රැගෙන යාමට සූදානම් කරතිබූ පෙරහැරයි.  දිව්‍ය පුජාවෙ...

(2025 අප්‍රේල් 26) ප්‍රැන්සිස් පාප් වහන්සේ ගේ මව්බිම වන ආජන්ටිනාවේ ජනතාව කඳුලින්, මහත් වේදනාවෙන් එතුමන්ට සමු දෙන්නට එක්වෙති.  ප්‍රැන්සිස් සුදොතුම් පියතුමා , එනම් එවකට  හොර්හේ මාරියෝ බෙර්ගෝලියෝ කාදිනල්  තුමා, වසර 12ක් ආජන්ටිනාවේ බුවනෝස් අයරෙස් පදවියේ අගරදගුරු තුමා විය. එක පැත්තකින් අධික ධනවතුන් සිටියත්  දුප්පත්කම සහ ඒ සමග බැඳුනු සමාජ ආර්ථික ගැටලුවලින් ගහන වූ මේ පදවියේ ජනතාවට ප්‍රැන්සිස් ශුද්ධෝත්ම පියතුමා ලඟම, මිතුරා, දෙමාපියා මෙන්ම විටෙක ආරක්ෂකයා ද විය. එම නගරයේ දුප්පතුන් පවසන්නේ තමන්ට ආදරය කල එකම මිනිසා තමන්ට අහිමි වේම වේදනාවක් බවයි.  බුවනෝස් අයරෙස්හි අන්ත දුප්පතුන් විසූ පැල්පත් නිවාස ප්‍රදේශ එකල හැඳින්වුණේ ‘කාලකණ්නි වතු’ ලෙසයි. ප්‍රැන්සිස් පාප්තුමා එහි අගරදගුරු සමයේ එම වතු වල සේවයට අලුතින් සිතන, එඩිතර තරුණ පියතුමන්ලා සේවය සඳහා යෙදෙව්වේය. එම පියවරු ඒවායේ තිබූ අන්ත දුප්පත්කම සහ එහි ප්‍රතිඵල වන  මත්ද්‍රව්‍ය, කල්ලි අතර ගැටුම්, අනාචාරය වැනි දේ වලින් ජනතාව මුදා ගැනීමට මහත් කපවීමන් ක්රිය් කළහ. ඇතැම් අවස්ථාවල  මත්ද්‍රව්‍ය ජාවාරම් කරුවන්ගෙන් එම පියතුමන්ලාගේ ජී...

   සුදොතුම් පියතුමන්ට අවසන් ගෞරව දැක්වීම් සඳහා සාන්ත පීතර චතුරශ්‍රයේ රැස්වී සිටින ජනතාව  (2025 අප්‍රේල් 25) ලොව පුරා  දුප්පත් ජනතාව ප්‍රැන්සිස් පාප්වහන්සේ ගේ වැඩිම ආදරයට ලක්වූ ජනතාව ය. ලොව කොහේ ගියත් එතුමන් දුප්පතුන් සොයා ගියේ ය. වොඋන් වෙනුවෙන් හඬ නැගුවේය.  මේ නිසා තමන්ට ආදරය කල සුදොතුම් පියතුමා ගේ දේහය මිහිදන් කිරීමට පෙර එතුමන්ට අවසානයටම  සුබ ගමන් ප්‍රාර්ථනා කිරීමේ ගෞරවය රෝමයේ දුප්පත් ජාන්තාවට දීමාට් වතිකනය තීරණය කර තිබේ.  අප්‍රේල් 26 වැනිදා සාන්ත පීතර බැසිලිකාවේ පවත්වනු ලබන අවමංගල දිව්‍ය පුජාවෙන් පසුව එතුමන් ගේ දේහය මිහිදන් කිරීම සඳහා ඊට සැතපුම් තුනක් පමණ දුරින් පිහිටි සාන්ත මරිය මජොරේ බසිලිකාවට ගෙන යනු ලැබේ. දේහය එම බැසිලිකාවට අතුලුවීමට පෙර දුප්පත් ප්‍රජාව දෙව්මැදුර  ඉදිරිපිට දී දේහය පිළිගෙන අවසන් ගෞරව දැක්වීමට නියමිත බව වතිකාන් මාධ්‍ය කර්යලාය් ප්‍රකාශ කරයි.  මේ අතර 24 වැනි දා රාත්‍රියේ සාන්ත මරිය මජෝරේ බැසිලිකාව ඉදිරිපිට දී සුදොතුම් පියතුමා වෙනුවෙන් ජපමාල යැදුම ඔප්පු කෙරිණි. එය මෙහෙයවන ලද්දේ පිලිපීන ජාතික ඇන්ටෝනියෝ තග්ලේ කාදිනල් හිමිපාණන්...

(2025  අප්‍රේල් 24)  අද ලෝකයත් අපේ රටත්  විවිධාකාර ගිනිදැල් වලින් දැවීමට එක් ප්‍රධාන හේතුවක් වන්නේ බොහෝ දෙනෙක් -විශේෂයෙන් නායකත්වය දරන පුද්ගලයන් - වැරැදි කර කර, ඒවා වැරැදි  බව පෙනි  පෙනී, එම වැරැදි පිළිගැනීම ප්‍රතික්ෂේප කිරීමයි. වැරැදි පිළිගැනීම  වෙනුවට මේ  පුද්ගලයන් කරන්නේ එම වැරැදි, හරි දේ ලෙස - නිවැරැදි දේ ලෙස- පෙන්වීමේ පහත් -ඇතැම් විට සාහසික - උත්සාහයන් හි නිරත වීමයි. මේ නිසා ලෝකයත් අපේ රටත්  වැරැද්දේ , අයුතුකමේ, දූෂණයේ ප්‍රපාතය දෙසට ඇදී යමින් තිබේ. වැරැද්ද නොපිළිගැනීමේ ව්‍යාධිය  දක්නට ලැබෙන්නේ හුදෙක් ලෞකික නායකත්වය තුළ පමණක් නොවේ. ආගමික නායකත්වය තුළ ද එය, ඇතැම් විට ලෞකික නායකත්වයටත් වඩා  දරුණු ලෙස, දක්නට ලැබේ.  එහෙත් මේ සාමාන්‍ය යථාවට ප්‍රතිවිරුද්ධ ආදර්ශවත්  විශිෂ්ට ක්‍රියාවක්   දෙයක් ප්‍රැන්සිස් සුදොතුම් පියතුමා කළේය. එනම් තමා අතින් "බරපතල වරදක් සිදු වූ බව" එතුමා  - එනම් ලොව පුරා බිලියන 1.28ක් වන කතෝලික ජනතාවගේ නායකයා -  පිළිගැනීමයි. එපමණක් නොව "මට සමාවෙන්න" යි අවංකව, නිහතමානීව ඉල්ලා සිටීමයි. "මමත...

ප්‍රැන්සිස් යුගයේ  උදාව  දවස 2018 දෙසැම්බර මාසයේ ඉරුදිනකි. වෙලාව  දහවලයි. ස්ථානය වතිකානයේ සාන්ත පීතර චතුරශ්‍රයයි.  පාප් වහන්සේ විසින් මෙහෙයවනු ලබන "තුන්කාල ආරාධනාව" නම් කතෝලික ජනතාව  ගේ බැතියට  පාත්‍ර වී ඇති මරිය යැදුම  සහ එතුමන් ගේ ආශීර්වාදය අවසන් වෙයි. ඊට සහභාගී වූ වන්දනාකරුවෝ එතැනින් ඉවත්ව යති.  චතුරශ්‍රයට රැස්වන පිරිස අතර ජංගම වෙළෙන්දෝ ද වෙති. යුරෝපීය සඟරාවක වාර්තාකරුවෙක් වෙළෙන්දෙකු ලඟට කිට්ටු කරයි.  "ප්‍රැන්සිස් පාප්  වහන්සෙ පත් වුනාට පස්සෙ මෙතනට සෙනග වැඩි වෙලා නේද?" ඉතින් බිස්නස් සරු ඇති නේද?" ඔහු විමසයි.   වෙළෙන්දා නිව්යෝර්ක් ඉංග්‍රීසි උච්චාරණයෙන් උත්තර දෙයි: "දැන් මේ හාදය ... මේ හාදය කතා කරන්නෙම දුප්පතුන් ගැනනේ. ඉතින් මෙහාට එන්නෙම දුප්පත් රටවල වන්දනාකාරයො.  උන් අතේ සල්ලි නෑ. රැට්සිඟර් (සොළොස්වන බෙනඩික් පාප්තුමා) ඉන්නැද්දි බලන්න එපාය. ජර්මන් කාරයො බස් පුරෝ පුරෝ ආව. උන් අත  දිග ඇරල වියදම් කෙරුව. දැන් එන එවුන් ඩිස්කවුන්ට් ඉල්ලනව."  ප්‍රැන්සිස් සුදොතුම් පියතුමා පත්වීමෙන් පසුව වතිකානයේ සාන්ත පීතර චතුරශ්‍රයට...

(2025 අප්‍රේල් 23) ප්‍රැන්සිස් ශුද්ධෝත්තම පාප් වහන්සේ සිය අවසන් ගමන එතුමන් ජීවත් වූ සාන්ත මාර්තා තානායම් ගෙදරින් ආරම්භ කරති. එතුමන් ගේ දේහය අඟහරුවාදා වන තෙක් තැන්පත් කර තිබුනේ එතුමන් ගේ නිවස වූ වතිකානයේ සාන්තා මාර්තා තානායමේ කුඩා දෙව්මැදුරේ ය. එතුමන් සුදොතුම් පියතුමන් ලෙස පත් වූ දාට පසුදා සිටම මේ කුඩා දෙව්මැදුරේ උදෑසන දිව්‍ය  පූජා  යාගය සිදුකිරීම ආරම්භ කළේය. එහි  විශේෂත්වය  වූයේ ප්‍රථම වරට පාප් වහන්සේ දිනපතා පවත්වන පූජාවට සහභාගි  වීමට ජනතාවට ද අවකාශ ලැබීමයි. එම දිනපතා පූජාව පොදු පූජාවක් ලෙස සිදු කිරීම අවසන් කිරීමට සිදු වූයේ කෝවිඩ් වසංගතය හේතුවෙනි. එතුමා ගේ ජීවිතයේ  ප්‍රධාන සලකුණක් බඳු වූ මේ   පුංචි පල්ලිය එතුමා ගේ මිහිමත අවසන් ගමනේ මුල් ගිමන් නිවන ස්ථානය බවට පත් විය.  එහි සිට බදාදා උදෑසන එතුමා ගේ දේහය ගෞරවාන්විත පෙරහරකින් සාන්ත පීතර බැසිලිකාව වෙත ගෙන එන ලදී. සාන්තා මාර්තා පල්ලියේ දී එතුමන් ගේ  දේහය  වෙනුවෙන් පවත්වන ලද මෙහෙය ආරම්භ කරන ලද්දේ මේ කාලය තුළ කතෝලික සභාවේ පාලන  කටයුතු භාරව සිටින කාමලෙන්ඥෝ තුමන් වන කෙවින් ෆැරල් කාදිනල් ...

කාදිනල් හිමිවරුන් ගේ පර්ෂදයේ සාමාන්‍ය රැස්වීම් ආරම්භ වූ අවස්ථාව  (2025 අප්‍රේල් 22) ශුද්ධාසනය හිස් වූ විට සාම්ප්‍රදායිකව පැවැත්වෙන   කාදිනල් හිමිවරුන් ගේ සාමාන්‍ය පරිෂද රැස්වීම් අප්‍රේල් 22 අඟහරුවාදා වතිකානයේ දී ආරම්භ විය.  කතෝලික සභාවේ නීතිය අනුව ශුද්ධෝත්තම පියතුමකු ගේ අභාවයට පසු දින කාදිනල් හිමිවරුන් ගේ පරිෂදයේ  සාමාන්‍ය රැස්වීම් ආරම්භ කල යුතුය. මේ සඳහා  ලොව පුරා  සිටින රෝමයට පැමිණිය හැකි සියලුම කාදිනල් හිමිවරුනට සහභාගි විය හැකිය.  මෙම සාමාන්‍ය රැස්වීම් මාලාවේදී කෙරෙන්නේ ස්වර්ගස්ථ වූ පාප් වහන්සේ ගේ දේහය පිලිබඳ අවමංගල්‍ය කටයුතු සැලසුම් කිරීම සහ එතුමන් ගේ අනුප්‍රාප්තිකයා තෝරා ගැනීමේ ක්‍රියාවලිය සාකච්ඡා කිරීමයි. මෙම සභා සම්ප්‍රදාය  වර්ෂ 1059 තෙක් ඈතට විහිදෙන බව සසුන් ඉතිහාසඥයෝ පවසති.  කාදිනල් පර්ෂදයේ සාමාන්‍ය රැස්වීම් අඟහරුවාදා ආරම්භ වූයේ ඒ අනුවයි. ඒ වන විට රෝමයට ලඟා වී සිටි කාදිනල් හිමිවරුන් 60 දෙනෙකු පමණ එම පළමු රැස්වීමට සහභාගී වූ බව වතිකාන මාධ්‍ය කාර්යාලය ප්‍රකාශ කරයි. රැස්වීම ආරම්භ වූයේ ස්වර්ගස්ථ වූ ප්‍රැන්සිස් පාප් වහන්සේ වෙනුවෙන් මො...

  සග සැපත් පාප්  තුමන් ගේ දේහය දැනට සාන්ත මාර්තා ගෙදර තැන්පත් කර තිබේ  (2025 අප්‍රේල්  12 ) ස්වර්ගස්ථ වූ ප්‍රන්සිස්  සුදොතුම් පියතුමන් ගේ දේහය පිලිබඳ අවසන් කටයුතු සිදු කෙරෙන ආකාරය ශුද්ධාසන මාධ්‍ය කාර්යාලය අද ප්‍රකාශයට පත් කළේය.  එතුමන්  ගේ දෙහය මේ වන විට එතුමන් ජීවත් වූ කාසා සාන්ත මාර්තා  ගෙදර පුංචි දෙව්මැදුරේ තැන්පත් කර තිබේ.  එම දේහය සාන්තා මාර්තා  පල්ලියේ සිට සාන්ත පීතර බැසිලිකා දෙව්මැදුර වෙත ගෙන යනු ලබන්නේ  23 වන බදාදා උදෑසන 9ටයි. මෙම දේහය මාරුකරනු ලැබීමේ දේව මෙහෙය කතෝලික සභාවේ කාමලෙන්ඥෝතුමන් වන,  කාදිනල් කෙවින් ෆැරල් හිමිපානන්  ගේ ප්‍රධානත්වයෙන්  සිදු කරනු ලබන බව වතිකාන මාධ්‍ය කාර්යාලය කියයි.  සුදොතුම් පියතුමකු ගේ අභාවයෙන් පසුව එතුමන් ගේ අනුප්‍රාප්තිකයා තෝරා  ගනු ලබන තෙක්  වතිකාන රාජ්‍යයේ සාමාන්‍ය කටයුතු  පාලනය භාර වන්නේ කාමලේන්ඥෝ ධුරය දරන කාදිනල් හිමියන්ටයි. ස්වර්ගස්ථ වූ පාප්තුමන් ගේ දේහය පිලිබඳ කටයුතු ද එතුමන් යටතේ සිදු කල යුතු ය.  දේහය සාන්ත පීතර බැසිලිකාවට ගෙන යනු ලැබීමෙන් පසුව පේදුරු...

සාන්තා මරිය මැජෝරේ බැසිලිකාවේ මේ දිනවල තබා ඇති සුදොතුම් පියතුමාට ගෞරව කරන පින්තුරයක්  (2025 අප්‍රේල් 21) "මගේ මිහිමත වන්දනා ගමනේ නිමාව රෝමයේ සාන්තා මරිය මැජෝරේ (Saint Mary Major.") බැසිලිකාව තුළ සිදු වේවායි මම ප්‍රාර්ථනා කරමි.... මගේ මෘත දේහයද මෙම සසුන් පිය බැසිලිකා දෙව් මැදුරේ ම මිහිදන් කරන ලෙස මම ඉල්ලා සිටිමි" යි ස්වර්ගස්ථ වූ ප්‍රැන්සිස් සුදොතුම් පියතුමා සිය ආධ්‍යාත්මික අන්තිම කැමැති පත්‍රයේ ලියා  තබා තිබේ. එම අන්තිම කැමති පත්‍රය වතිකානය විසින් අද ප්‍රසිද්ධ  කරන ලදී.  රෝමයේ පාප් වහන්සේ ගේ බැසිලිකා දෙව්මැදුරු වලින් එකක් වන සාන්තා මරිය මජෝරේ බැසිලිකාවට ප්‍රැන්සිස් සුදොතුම් පියතුමා මහත් ආදර භක්තියක් දැක්වීය. එහි තැන්පත් කර ඇති "රෝමයේ ආරක්ෂිකාව වන අපගේ ස්වාමිදුව" ඉමේජය ඉදිපිට හිඳගෙන එතුමා නිතර පෞද්ගලිකව යාච්ඥා කළේය. රෝමයෙන් පිටත ගමනක් යන්නට පෙර - විශේෂයෙන් ම විදේශ අපෝස්තලික චාරිකාවකට පිටත් වන්නට පෙර හා පසුවත් රෝහල් ගත වීමකට පෙර හා පසුවත් එතුමා මේ පින්තුරය ඉදිරිපිට සිට යාච්ඥා කිරීමට පුරුදු වී සිටියේය. කෝවිඩ් වසංගත සමයේ දී ද එතුමා මේ දෙමැදුරට ගොස් රෝමය හා ලෝකය වෙනු...

වතිකානයේ ගොඩනැගිල්ලක අඩ කුඹ කරන ලද සසුන් පිය ධජය  (2025 අප්‍රේල් 21) ශුද්ධෝත්තම ප්‍රැන්සිස් පාප් වහන්සේ ගේ මරණයට හේතුව ආඝාතය,  සහ ඉන් පසුව ඇති වූ කෝමා තත්ත්වය සහ ආපසු හැරවිය නොහැකි හෘත්සංසරනය (irreversible cardiocirculatory collapse) බිඳ වැටීම බව වතිකනය  ප්‍රකාශයට පත් කරයි.    එතුමන් ගේ මරණය සම්බන්ධ සහතිකය වතිකානයේ සෞඛ්‍ය සහ සනීපාරක්ෂාව පිලිබඳ  අධ්‍යක්ෂ වෛද්‍ය ඇන්ඩ්රියා අර්කාන්ජෙල් විසින් නිකුත් කරන ලද අතර වතිකාන මාධ්‍ය කාර්යාලය සඳුදා සවස එය මාධ්‍ය වලට නිකුත් කළේය. එතුමන්ට ඇති වූ බහුක්ෂුද්‍රජීවී පෙනහළු දෙකේ නියුමෝනියාව හේතුවෙන් මීට කළින් එතුමා ගේ ශ්වසන ඇණහිටීමක් (acute respiratory failure caused by multimicrobial bilateral pneumonia) සිදු වී ඇති බවට මීට කලින් ලබා ගත වෛද්‍ය වාර්තා පවා පෙන්වා දී තිබූ බව වෛද්‍ය වාර්තාව කියයි. ඊට අමතරව එතුමාට බහුවිධ බ්රෝන්කයිටීස් තත්වයක්, අධික රුධිර පීඩනය සහ දියවැඩියාව ද තිබුණු බව එම වාර්තාවේ සඳහන් වේ.  පිළිගත් වෛද්‍ය ක්‍රමවේදයට අනුව කරන ලද මේ නිගමනය එතුමන් ගේ මරණයට හේතුව බව ප්‍රකාශයට පත් කරන්නේ යැයි වෛද්‍ය අර්කාන්ජෙල් ගේ ...

(2025 මාර්තු 21)   ඉකුත් වසර 12 තිස්සේ කතෝලික ජනතාවට පමණක් නොව සමස්ත ලෝකයටම එඩිතර, දයාර්ද්‍ර  නායකත්වයක් දුන් 88 හැවිරිදි   ශුද්ධෝත්තම ප්‍රැන්සිස් පාප් වහන්සේ  ස්වර්ගස්ථ වෙති.  "දයාබර සහෝදර සහෝදරියනි, අපගේ දයාබර ප්‍රැන්සිස් ශුද්ධෝත්තම පියතුමා ස්වර්ගස්ථ වූ බව මම ඉතා ශෝකයෙන් ප්‍රකාශ කරමි" යි අපෝස්තලික සභාවේ කාමලෙන්ඥෝ වන කෙවින් ෆැරල් කාදිනල් හිමි වතිකාන රුපවාහිනිය ඔස්සේ ප්‍රකාශ කළේය.  "අද පෙරවරු 7.35ට රෝමයේ රදගුරුතුමන්  වන ප්‍රැන්සිස් ශුද්ධෝත්තම පියාණෝ  සිය පියාණන් ගේ ගෘහයට නික්ම ගියහ" යි එතුමා සඳහන් කළේය.  ලෝකයම ශෝකයෙන් සහ  කම්පනයෙන්  පෙබරවාරි 14 වැනිදා සිට දින 38ක් උග්‍ර නිව්මොනියාව හේතුවෙන් රෝහල් ගතව ප්‍රතිකාර ලබා, ඉන් පසු සිය කාසා සාන්තා මාර්තා ගෙදරට ඇවිත් සුවය ලබමින් සිටියත්, එතුමා සිටියේ ඉතා දුර්වලව ය. කිහිප වතාවක් එතුමා  ජනතාවට අතරට පැමිණියත් එතුමා තවමත් රෝගීව, දුර්වලව සිටින බව රහසක් නොවීය.  එසේ තිබියදීත් එතුමා ස්වර්ගස්ථ වූ බව ඇසීමෙන්  ලොව පුරා විශාල ජනතාවක් කම්පනයට සහ ශාතිෂය ශෝකයට පත් වී සිටිති. ඒ අතර බ...

2017 මැයි 24 වැනිදා ජනාධිපති  ඩොනල්ඩ් ට්‍රම්ප් වතිකානයේ දී ප්‍රැන්සිස් සුදොතුම් පියතුමන් මුණගැසුණු අවස්ථාව  (2025 අප්‍රේල් 18) ප්‍රැන්සිස් ශුද්ධෝත්තම පියතුමා පත් වූ කාලයේ සිට ම උග්‍ර ප්‍රැන්සිස් විරෝධියකු ලෙස එතුමන් දැඩි විවේචනයට ලක්කළ ඇමෙරිකානු කතෝලිකයකු වන බ්‍රයන් බර්ච්, ජනාධිපති ඩොනල්ඩ් ට්‍රම්ප් විසින් වතිකානයේ ඇමෙරිකානු  තානාපති ලෙස නම් කරනු ලැබ සිටියි.  මේ වාර්තාව ලියන අවස්ථාව විට ඇමෙරිකාවේ සෙනෙට් මන්ත්‍රී මණ්ඩලය විසින් ඔහුගේ සුදුසුකම් පරීක්ෂා කෙරෙන සම්මුඛ පරීක්ෂණයට සූදානම්ව තිබිණි. ජනාධිපති විසින්  නම් කර ඇත්තේ වුව ද ඔහු ගේ පත්වීම ස්ථිර කල යුත්තේ සෙනෙට් මන්ත්‍රී  මණ්ඩලයේ විදේශ සම්බන්ධතා කමිටුව විසින් සිදු කෙරෙන සම්මුඛ පරීක්ෂණයෙන් පසුවය.  අන්ත දක්ෂිනාංශික කොන්සවටිව්වාදියකු වන බ්‍රයන් බර්ච් ප්‍රන්සිස් සුදොතුම් පියතුමා සම්බන්ධයෙන් ගත් විට රාජ්‍ය තාන්ත්‍රික භාවයෙන් ඉතා දුරස් වූ පුද්ගලයෙකි. සුදොතුම් පියතුමා ගේ මානව දයාව,  මානව සහ පරිසර ගරුත්වය සහිත විශ්වීය සමගි සන්ධානමය ගමන, මානව සහෝදරත්වය කේන්ද්‍ර කොටගත් ඉගැන්වීම, මුල සිටම ඔහුගේ වෛරයට පාත්‍ර විය...

හිරගෙදර පල්ලියේදී සුදොතුම් පියතුමා රැඳවියන් සමග කතා කළේය. (2025 අප්‍රේල් 17) ප්‍රන්සිස්  ශුද්ධෝත්තම පියතුමා අද මහ බ්‍රහස්පතින්දා රෝමයේ " Regina Coeli" ("ස්වර්ගීය රැජින") බන්ධනාගාරයේ රැඳවියන් බලන්නට ගියේය.  2013 සුදොතුම් පියතුමන් ලෙස තේරී පත් වූ  වසරේ සිටම සෑම මහා බ්‍රහස්පතින්දා දිනකම සුදොතුම් පියතුමා මහ බ්‍රහස්පතින්දා සන්ධ්‍යාවේ ජේසු සමිඳුන් ගේ අන්තිම රාත්‍රී භෝජන සමරු ස්තෝත්‍ර යාගික පූජාව පැවැත්වූයේ ඉතාලියේ බන්ධනාගාරයක රැඳවියන් සහ නිලධාරීන් සමගය. ඒ සෑම අවස්ථාවකම මහ බ්‍රහස්පතින්දා පාද දෝවන පිලිවෙතේදී එතුමා රැඳවියන් ගේ පාද දෝවනය කරමින් ඔවුන් වෙත දේව සෙනෙහස ගෙන ආවේය.  මේ වසරේ සුදොතුම් පියතුමා දරුණු නියුමෝනියා තත්වයෙන් සුවපත් වෙමින් සිටින්නේ වුවද එතුමා හිරගෙදර රැඳවියන් බලන්නට යාම අත්හැරියේ නැත.  මහ බ්‍රහස්පතින්දා දහවල් එතුමා රෝමයේ "ස්වර්ගීය රැජින" බන්ධනාගාරයට ගොස් එහි සිටින රැඳවියන්  70 දෙනෙකු සහ  එහි කාර්ය මණ්ඩලය මුණගැසුණේය. ඊට  බන්ධනාගාර උපාධ්‍ය පියතුමන්ලා  ද සහභාගී වූහ. එතුමා ඔවුන් සමග පය බාගයක් පමණ ගත කල බව වතිකාන වාර්තා ප්‍රකාශ කරයි.  ...