"ඔවුන් ගේ රුධිරය මානව හර්ද සාක්ෂියට මොරගසයි" : දිවි දුන් ඉතියෝපියානු කිතුවන් ගැන පාප් වහන්සේ ගේ කම්පාව
Pope on ISIS killings: Blood of Ethiopian Christians 'cries out to be heard'
ඉතියෝපියානු කිතුනුවන් කණ්ඩායමක් ලිබියාවේ දී දී සමූහ ඝාතනය කිරීමේ පුවත ඇසීමෙන් සුදොතුම් ප්‍රැන්සිස් පාප් වහන්සේ දැඩි කම්පාවටත් සංවේගයටත් පත්ව සිටිති. ඔවුන්ගේ ඝාතයන් නොසලකා නොහරිනු ඇතැයි තමන් බලාපොරොත්තු වන බව ඉතියෝපියාවේ ඕතොඩොක්ස් කතෝලික සභාවේ නායක පේත්‍රියාක් තුමන් වෙත හදිසි පණිවිඩයක් යමින් උන්වහන්සේ පවසති.
ISIS හෙවත් ඉස්ලාමීය රාජ්‍ය සංවිධානය, ඔවුන් විසින් කරන ලද ඝාතනයක බිහිසුණු දර්ශන ඇතුලත් තවත් වීඩියෝ පටයක් ඊයේ නිකුත් කර තිබිණි. ISIS ත්‍රස්තවාදීන් පවසන්නේ මෙලෙස තමන් විසින් ඝාතනය කරන ලද්දේ ඉතියෝපියානු කිතුනුවන් පිරිසක් බවයි පිරිමින් එක් කණ්ඩායමක් ලිබියාවේ මුහුදු වෙරළක දී බෙල්ල කපා මරා දමන ආකාරයත් තවත් පිරිසක් කාන්තාරයේ දී වෙඩි තබා ඝාතනය කරන අයුරුත් මෙම වීඩියෝ දර්ශන වල දැක්වෙන බව BBC ඇතුළු ජාත්‍යන්තර ජන මාධ්‍ය වාර්තා කරයි. 30 දෙනකු පමණ මෙම ඝාතය කන ලද පිරිසට ඇතුලත් බව වාර්තා වේ. ඔවුන් ඝාතනය කෙරෙන අතර පිස්තෝලයක් අතැති මුහුණ ආවරණය කරගත් ත්‍රස්තවාදියකු පවසන්නේ ක්‍රිස්තියානින් ඉස්ලාම් දහම වැළඳ ගත යුතු බව අතර එසේ නැතහොත් ශුද්ධ කුරානය පනවා ඇති බද්ද ගෙවිය යුතු බවයි. එසේ නොමැති කිතුනුවන් මරණය තෝරා ගත යුතු බවට ඔහු තර්ජනය කරයි.
"අපගේ කිතුනු සහෝදර සහෝදරියන්ගේ රුධිරය, යහපත සහ නපුර අතර වෙනස තවමත් හඳුනා ගත හැකි සෑම කේනෙකුටම මහ හඬින් මොරගසන සාක්ෂියක් " යැයි ප්‍රැන්සිස් පාප් වහන්සේ මේ සම්බන්ධයෙන් ලියා යැවූ ශෝක පණිවිඩයේ සඳහන් වෙයි. "ජනතාව ගේ ඉරණම තමන් අත පවතින සියල්ලන් මේ මොරගැසීමට සවන් දෙනු ඇතැයි තමන් බලාපොරත්තු මෙන බවද උන්වහන්සේ ප්‍රකාශ කරති. ඉතියෝපියාවේ ටිවහේඩෝ ඕතොඩොක්ස් සභාවේ නායක අබුනා මතියස් පේත්‍රියාක් තුමන් වෙත මෙම ශෝක පණිවිඩය යවා තිබේ.
ලොව වටා කිතුවන්ට සිදුවන වදහිංසා සහ එල්ල වන ප්‍රහාර වලින් ඉකුත් පාස්කු සමය අඳුරු වී තිබිණි . මහ සිකුරාදා වතිකානයේ සාන්ත පීතර බසිලිකාවේ පවතී දේව මෙහෙයේ දේශනයේ ප්‍රධාන කොටසක් වෙන් වී තිබුනේ ද මෙම වැඩ හිංසා සහ සහ ජේසු සමිඳුන් ගේ දුක් ප්‍රාප්තිය අතර ඇති සම්බන්ධතාවත් ඊට කිතුනු ප්‍රතිචාරයත් ගැන මෙනෙහි කිරීමටයි. එම දේශනය පැවැත්වූ දේශනාවාදී ප්‍රන්සිස්කාන (කපුචින්) නිකායික රනේයිරෝ කන්ටලමෙස්සා පියතුමා මෙසේ කියා සිටියේය:
"දිනක ජේසු සමිඳුන් සිය ශ්‍රාවකයන්ට මෙසේ කීවා: 'ඔබ මරා දමන අය, එය තමන් විසින් දෙවියන් වහන්සේට කරන පූජාවක් ලෙස සිතන කාලයක් පැමිණෙන්නේය' (ජුවාම් 16: 2) ඇතැම් විට අද තරම් මේ වචන පරිපුර්ණ නිරවද්‍යතාවයෙන් ඉෂ්ට වූ යුගයක් නොතිබෙන්නට ඇති. "
කන්ටලමෙස්සා පියතුමා මෙසේ ද කීවේය:
ප්‍රචණ්ඩත්වයට එරෙහිව ඊට වඩා වැඩි ප්‍රචණ්ඩත්වයක් මුදාහරිනු වෙනුවට ක්‍රිස්තුන් වහන්සේ නැවුම් ආකාරයක ජයග්‍රහණයක් හඳුන්වා දුන්නා. සාන්ත අගෝස්තීනු තුමා එය වචන තුනකින් සාරාංශ කරනවා: "Victor quia victima ": එනම් ජයග්‍රාහකයා ගොදුර බවට පත්වීමයි."
Comments
Post a Comment