වතිකාන සුළඟ

"The Prophetic Voice in a time where men and women are considered as garbage and dust"- A conference on the vision and mission of Pope Francis in Colombo 
(2019 පෙබරවාරි 27)
ප්‍රැන්සිස් සුදොතුම් පියතුමන් එම ධුරයට තේරී පත්වී මේ මාර්තු මාසයට වසර 6ක් සපිරේ.

මෙය නිමිති කරගනිමින් එතුමන් ගේ දැක්ම සහ මෙහෙවරත් සභාව තුළ මෙන්ම ලෝකය තුළ එතුමන් ගේ භූමිකාවත් විමර්ශනයට ලක්කෙරෙන කථිකා කිහිපයක් 2019 මාර්තු මාසය තුළ පැවැත්වීමට කටයුතු යොදා තිබේ.

ප්‍රථම සම්මන්ත්‍රණය නම් කර ඇත්තේ "කසල හා දූවිලි බවට මිනිසුන් හා ගැහැණුන් පත්වන යුගයක  - රාව නැංවෙන දිවැසිවර හඬ" ලෙසයි.

මාර්තු මස 2 වනදා, සෙනසුරාදා පෙ.ව. 8.30 සිට 4.30 දක්වා බම්බලපිටිය ශුද්ධ වූ පවුලේ කන්‍යාරාමයේ දී මෙම කතිකාව පැවැත්වේ. මෙය සංවිධාන කරනු ලබන්නේ "අද ජේසු සාමුහිකය" විසිනි.

"ප්‍රැන්සිස් සුදොතුම් පිය පසුබිම" පිළිබඳව ගරු ආචාර්ය ඇලෝයි පීරිස් ජේ. නි. පියතුමා පවත්වන දේශනයකින් කථිකාව ආරම්භ වේ. ඉන්  පසුව  කැලණිය විශ්ව විද්‍යාලයේ ජ්‍යෙෂ්ඨ කථිකාචාර්ය විජිත් රොහාන් මහතා ප්‍රැන්සිස් සුදොතුම් පියතුමා ගේ ධර්මදානය සහ ආගමික ස…

Nigerian sister asks bishops: Why did the church allow atrocities of sex abuse to remain secret?
(2019 පෙබරවාරි 24)
"සභාව දැන් පවතින්නේ අර්බුදකාරී තත්ත්වයකය. සභාවක් ලෙස අප දැන් සිටින මේ නින්දිත, අපකීර්තිමත් තත්වයට අප රැගෙනවිත් ඇත්තේ අපගේම මධ්‍යමානතාව, කුහකකම සහ තෘප්තිමත් ස්වභාවයයි" යයි නයිජීරියාවේ වෙරෝනිකා ඔපෙනිබෝ පැවිදි සොයුරිය පවසයි. 
"පූජක වරුන්ගේ ළමා අපයෝජනත් රදගුරුවරුන් එම වැරදි ආවරණය කොට ඔවුන් ආරක්ෂා කරන්නට ක්‍රියා කල ආකාරයත් විස්තර කරමින් 2015 දී නිෂ්පාදනය  කළ   “Spotlight,” චිත්‍රපටිය නරඹද්දී මගේ හදවත වේදනාවෙන් දැවුනා. නෙත්වලින් කඳුළු කඩා  හැලුණා. මේ කෘරකම් ආවරණය කර සඟවා තබා ගනිමින් පුදැදුරුවාදී සභාව නිශ්ශබ්දව සිටියේ මන්ද , රදගුරු හිමිවරුනි" ඈ ඍජුව ප්‍රශ්න කරයි.

නයිජීරියාවේ වෙරෝනිකා ඔපෙනිබෝ පැවිදි සොහොයුරිය රදගුරු හිමිවරුන් ඇතුළු 190ක් වන නියෝජිතයන් ගෙන්  මේ ප්‍රශ්නය නැගුවේ වතිකානයේ පැවැත්වුණු පුදැදුරු ළමා අපයෝජන පිලිබඳ රදගුරු හමුවේ දෙවැනි දිනයේ එය අමතමිනි. ඔපෙනිබෝ සොහොයුරිය ශුද්ධවූ ජේසු බිලිඳු සමාජය නිකායේ පැවිදි සොහොයුරියකි.ඇය නිකාය ශ්‍රේෂ්ඨාධිපතිවරුන් …

Cardinal Tagle: Bishops need to be “constantly in touch with the wounds of humanity.” 
(2019 පෙබරවාරි 23)
ළමා ලිංගික අපචාර අනාගතයේ දී සිදුවීම වැලැක්වීම  සඳහා සමස්ත සභාවම එකට එක්ව තීරණාත්මක ලෙස ක්‍රියා කල යුතු යැයි ඉන්දියාවේ බොම්බායේ අගරදගරු ඔස්වල්ඩ් ග්‍රාසියස් රදගුරු හිමි කියයි. එසේම දැනට එම අපචාරයට ගොදුරු වී සිටින තැනැත්තන් සුවපත් කිරීම සඳහා හැකි උපරිම ආකාරයෙන් කැපවිය යුතු බව ද එතුමා පෙන්වා දෙයි.

කාදිනල් ග්‍රාසියස් හිමි මේ බව කියා සිටියේ ප්‍රැන්සිස් සුදොතුම් පියතුමන් විසින් කැඳවනු ලැබ  ඇති පූජක ළමා අපචාර පිලිබඳ රදගුරු සමුළුවේ දෙවැනි දින වූ පෙබරවාරි 22 වන දින රැස්වීම්වාරය අමතමිනි. ග්‍රාසියස් හිමි මෙම රදගුරු  හමුවේ සංවිධායක කමිටු සමාජිකයෙක් ද වේ.

ළමයින් සහ අනතුරට ලක්විය හැකි වැඩිහිටියන් ඍජුව අපයෝජනයට ලක්කිරීම කෙතරම් බරපතල වන්නේද, සභාවේ මගපෙන්වීම සහ විධායක වගකීම් සහිත නායකයන් අපයෝජනයට ලක්වූවන් යළිත් ගොදුරු බවට පත්කරගැනීම නිසා ඔවුන් තුළ ඇතිවන තුවාල ඊටත් වඩා බරපතල ස්වභාවයක් ගන්නා බව ග්‍රාසියස් කාදිනල් තුමා පෙන්වා දුන්නේය.

මේ තත්වය වැලැක්වීම සඳහා සියලු රදගුරු හිමිවරුන් පදවි, ජාතික, කලාපීය …

"Bishops must investigate all accusations of abuse without any delay" - Maltese Archbishop Scicluna tells Bishops 
(2019 ජනවාරි 22)
ළමා අපචාරයක යෙදී ඇති බවට පූජකවරයකුට විශ්වසනීය චෝදනා  එල්ල වී  ඇති විටෙක එවැන්නකුට එරෙහිව නෛතිකව කටයුතු කිරීමට වතිකාන කාර්යාලය අපොහොසත් වූවත්, රදගුරු හිමිවරුන් ගේ වගකීම වන්නේ ළමයින්  සහ යෞවනයන් ගේ ආරක්ෂාව අරමුණු කරගනිමින් පොදු යහපත තහවුරු කිරීම සඳහා අවශ්‍ය පියවර ගැනීම බව මොල්ටාවේ චාර්ල්ස් ස්කිල්කූනා අගරදගුරු හිමි පෙන්වා දෙයි.

"අප නිතරම නීතියට අනුව ක්‍රියා   කරන බවට අපගේ රැකවරණ ලබන විශ්වාසිකයන් ගේ සංඝය තුළ විශ්වාසයක් තිබිය යුතුයි. කෙතරම් ඉහළ වන්දියක් ගෙවීමට සිදු වූවත් අප ඔවුන් ආරක්ෂා කරන බව අපගේ විශ්වාසකයන් දැනගත යුතුයි. අප වෙත භාර කරන ලද බැටළු රැල වෙනුවෙන් අප අපගේ ජීවිතය වුවද පුද දෙන්නට සූදානම් බවට වැටහීමක් ඔවුන් තුළ ජනිත විය යුතුයි," යි එතුමා අවධාරණය කළේය.

ස්කිල්කූනා අගරදගුරු හිමියන් මෙම ප්‍රකාශ කලේ ප්‍රැන්සිස් සුදොතුම් පියතුමා විසින් කැඳවන ලද පූජක ළමා අපචාර පිලිබඳ ලෝක රදගුරු සමුළුවේ පළමු දිනයේ (පෙබරවාරි 21) තුන්වන දේශනය කරමිනි.  චාර්…

Victims should be “believed, respected, cared for, and healed. They must not be treated as enemies of the Church" Abuse victims appeal in their testimonies 
(2019 පෙබරවාරි 21)
පුජකවරුන්  අතින් අපයෝජනයට ලක්වූවන් ඒ ගැන සභා නායකයනට පැමිණිලි කරන විට ඔවුන් විශ්වාස කරන්නැයි අපයෝජනයට ලක්වූ අයෙක් ලොව පුරා රදගුරු හිමිවරුන්ගෙන් ඉල්ලා සිටියි. "ඔවුන් බොරු කියන බවත් සභාවේ සතුරන් බවත් පවසමින් ඔවුනට අවමන් කරන්නට එපා!" යි ඔහු අවධාරණය කරයි.

ළමා අවධියේ කතෝලික පුදැදුරු වරයකු අතින් ලිංගික අපයෝජනයට ලක්වූවෙක් මේ බව කියා සිටියේ ළමා අපයෝජනය පිලිබඳ රදගුරු හමුව ඉදිරියේ සිය ජීවිත සාක්ෂිය ඉදිරිපත් කරමිනි ඔහුගේ ඇතුළු තුන් දනෙකු ගේ සාක්ෂි වීඩියෝ දර්ශනයක් ලෙස රදගුරු හමුවට එක්වූ 190ක් වන  නියෝජිතයන් හමුවේ ප්‍රදර්ශනය කෙරිණි. මෙම සාක්ෂි කරුවන් ගේ නම් හෝ එම වීඩියෝව මාධ්‍ය වලට නිකුත් කර තිබුනේ නැත. ඔවුන් ගේ කතාව මුද්‍රිත පිටපතක් ලෙස පමණක් බෙදා හැර තිබිණි.

සමුළුවේ ආරම්භ දිනය වූ පෙබරවාරි 21 වැනිදා ප්‍රැන්සිස් සුදොතුම් පියතුමා ගේ ඉතා කෙටි ආරම්භක හැඳින්වීමෙන් පසුව මුල්ම අංගය වූයේ මෙම සාක්ෂි කරුවන් ගේ සාක්ෂි …

“Listen to the cry of the little ones” Pope Francis says at abuse summit opening
(2019 පෙබරවාරි 21)
"ඔබ මෙම ස්ථානයට රැස්වූයේ  හුදෙක් (පූජක ළමා අපයෝජන පිලිබඳ) සාමාන්‍ය සහ පැහැදිලි හෙලාදැකීම්  කිරීමට නොවේ. ..ඔබ එකට එක්ව මෙතන රැස්වූයේ යුක්තිය ඉල්ලා හඬන කුඩා වුවන් ගේ වේදනාවට සවන් දීමට" යයි ප්‍රැන්සිස් සුදොතුම් පියතුමා අවධාරණය කරයි.

"දෙවියන් වහන්සේ ගේ ශුද්ධ වූ ජනතාව අප දෙස බලා සිටින්නේත් අපගෙන් බලාපොරොත්තු වන්නේත් හුදෙක් සරල, පැහැදිලි හෙලාදැකීම් කිරීම නොවේ. මෙම නපුර අවසන් කිරීමට අවශ්‍ය මූර්ත සහ ඵලදායී ක්‍රියාමාර්ග ගැනීමයි" යි එතුමා පෙන්වා දුන්නේ බාල වයස්කාරයන් (පූජක අපයෝජන වලින්) ආරක්ෂා කිරීම පිලිබඳ රදගුරු මහ සමුළුව විවෘත  කරමිනි.

මෙම සමුළුව වතිකානයේ සිනොඩ් ශාලාවේදී අද (පෙබරවාරි 21) ආරම්භ විය. ලොව පුරා කතෝලික රදගුරු සමුළුවල සභාපති හිමිවරුන්, පෙරදිග කතෝලික සභා නායක නියෝජිතයන්, පිරිමි සහ කාන්තා පැවිදි නිකාය  නායකයන් සහ වතිකානයේ නායක හිමිවරුන් ඇතුළත් 190 දෙනෙක් මෙම හමුවට සහභාගී වෙති. ප්‍රැන්සිස් සුදොතුම් පියතුමා ඉහත  උපදෙස් දුන්නේ එම සියලුම නියෝජිතයන්  අමතමිනි. 
"සභාව…

Holy father invites world's Catholics to pray for the Protection of Minors Summit 
(2019 පෙබරවාරි 19)
පූජක වරුන් විසින් සිදු කරනු ලබන ළමා ලිංගික අපයෝජන මැඩපැවැත්වීම සහ ඒ සම්බන්ධයෙන් ගත  යුතු පියවර ගැන සාකච්ඡා කිරීම සඳහා කැඳවන ලද ලෝක රදගුරු හිමිවරුන්ගේ මහ රැස්වීම මේ මස 21 සිට 24 දක්වා රෝමයේදී පැවැත්වෙයි. ඊට සහභාගී වීම සඳහා ලොව පුරා ජාතික කතෝලික රදගුරු සම්මේලන වල සභාපති හිමිවරු මේ වන විට වතිකානයට පැමිණ සිටිති. මෙම සමුළුවට  ශ්‍රී ලංකාව වෙනුවෙන් පැමිණ සිටින්නේ ශ්‍රී ලංකා කතෝලික රදගුරු සමුළුවේ සභාපති බදුලු රදගුරු අති උතුම් වින්ස්ටන් ප්‍රනාන්දු හිමිපාණෝය.

සමස්ත කතෝලික සභාවට අවමානයක් ගෙන දෙමින් සභාව මත  මත රිදුම් දෙන තුවාලයක් බවට පත්ව තිබෙන මේ ගැටලුව සම්බන්ධයෙන් සාකච්ඡා කිරීම  සඳහා වූ මෙම මහ සමුළුව කැඳවන  ලද්දේ ප්‍රැන්සිස් සුදොතුම් පියතුමන් විසිනි. බාල වයස්කාරයන් සහ  යෞවනයන් පූජකවරුන් විසින් ලිංගිකව අපයෝජනය කිරීම සම්බන්ධයෙන් ලැබෙන පැමිණිලි වලදී රදගුරුවරුන් වෙත පැවරෙන වගකීම, ඒ සම්බන්ධයෙන් ඔවුන්ගේ වගවීම සහ එවැනි චෝදනා ගැන ක්‍රියා කිරීමේදී ඔවුන් අනුගමනය කල යුතු පාරදෘශ්‍ය ස්වභාවය ගැන (respon…